كتب / ممدوح حافظ محروس
من رباعيات : د . محمد نور الدين
فى دكانى واحد جانى ومعاه دليل
عن الجانى واللى بيعانى والذليل
عرفت اللى اشترى وبان اللى افترى
وبايع صوتو عشان قوتو
صحيح انا فقير بس عمرى ما ح أبيع
شوفت امى وحوليها ذئاب معاهم الخونة والاذناب
يهزوا ديولهم زى الكلاب بس الكلب حيوان وفى وديع
و انا انسان بس عمرى ما ح ابيع
عايزين يشترو صوتى وبكره تضيع الكرامة
النية هى موتى يداروها بابتسامة
والأمل يمنع قنوطى بدل سكة الندامة
و ربنا مجيب وسميع وح يساعدنى عشان ما أبيع
افتكرت محفوظ وحكاية الحرافيش فيها فتوه وغلبان نفسه يعيش
و النهارد الفتوة ببرنيطة وكرانيش صدمان فاكر انه علينا ح يصيع
بالدبلوماسية والمستوى الرفيع قلنا له ما حدش فينا راح يبي
قلنا للعدو مش ح تنفع عندنا الفتنة لكنه أطرش او حاطط ف ودنة قطنة
لما فاق اتذاكى وإدعى الفطنة قال قاعدة عسكرية عندكم أمر بديع
والفظيع مش عارف إن جيشنا عمره ما ح يبيع
وفى دكانى واحد جانى ومعاه دليل عن الجانى واللى بيعانى والذليل
عرفت اللى اشترى وبان اللى افترى وبايع صوتو عشان قوتو
صحيح انا فقير بس عمرى ما ح أبيع عمرنا أبدا ما راح نبيع
وعجبى
